واش كتعرف كيفاش كتدبر شؤون مدينتك؟ “الساس” يبدأ من هنا!
هيئة تحرير “خبر 24”
هل سبق لك وتساءلت يوماً: علاش كاين “رئيس جماعة” و”رئيس جهة”؟ وكيفاش كتوزع الأدوار بين العاصمة الرباط وبين مدينتك أو قريتك؟ بزاف منا كيعيشوا يومياتهم وسط مشاريع ومرافق، ولكن قليل اللي كيعرف “الماكينة” القانونية اللي كتحرك هاد المنظومة كاملة.
في الحلقة الأولى من السلسلة الجديدة «وقفة مع القانون»، يأخذنا الزميل محمد الدفيلي في رحلة لتبسيط “الساس” أو القاعدة اللي مبني عليها التنظيم الترابي للمملكة المغربية، وفق مقتضيات الدستور والقوانين التنظيمية الجديدة.
تسلط الحلقة الضوء على واحد من أهم التحولات اللي عرفها المغرب مع دستور 2011. واش كنتي كتعرف بلي “اللامركزية” ماشي مجرد كلمة صعيبة، بل هي نظام كيعطي لمدينتك وجهتك الحق باش تقرر في مصيرها التنموي بعيداً عن المركزية الإدارية؟ هاد الحلقة كتشرح لينا هاد المفهوم بلغة بسيطة وقريبة من المواطن.
من الجهة وصولاً لأصغر جماعة قروية، كاين تراتب قانوني ومسؤوليات محددة. الحلقة كتجاوب على أسئلة جوهرية:
-
شكون هما “الأشخاص المعنوية” اللي كيدبروا الشأن المحلي؟
-
شنو الفرق بين اللي كنصوتوا عليه مباشرة واللي كيتنتخب بطريقة غير مباشرة؟
-
وكيفاش ولى “رئيس المجلس” هو السلطة التنفيذية والمسؤول الأول على تنزيل المشاريع؟
أهم ما ميز هاد اللقاء هو الحديث عن الفصل 139 من الدستور. واش فراسك بلي القانون عطاك “ساروت” باش تدخل وتشارك في إعداد وتتبع برامج التنمية؟ الحلقة كتعطي لمحة مثيرة على “آليات الديمقراطية التشاركية” اللي غادي تكون موضوع حلقات مقبلة بالتفصيل.
“المعرفة القانونية قوة”.. شعار يرفعه البرنامج ليؤكد أن فهمك للقانون هو أول خطوة لحماية حقوقك والمساهمة في تنمية بلادك.
🎥 شاهدوا الحلقة الأولى كاملة عبر الرابط التالي:
